هي كيميا؟

"هي كيميا" جملة غالبا ما بنستعملها للدلالة علي السخرية من صعوبة امر ما وانه مش صعب او غير مفهوم زي الكيميا .. وارتبطت الكيميا باذهان الجميع بانها مادة صعبة ورخمة وغير مفهومة علي العكس من حقيقتها .. وده بيرجع في رأي للأسلوب الخاطئ في تدريس المادة  من قبل المدرسفي المراحل الاعدادية والثانوية .. فبدل ما يفهم الطالب ايه هي الكيميا ؟ و ازاي التفاعل ده بيجصل؟  وليه  طلعت المادة س وما طلعتش ص وايه تاثير المادة ع علي سرعة التفاعل

او علي نواتجه ؟ بيريح دماغه ويقول للطالب هي كده .. احفظها وخلاص .. الكيميا دي مابتتفهمش .. وده بيدل علي قصور في فهم المدرس للكيميا وممكن مايكونش عارف التفسير لامر ما وبدل ما يحرج نفسه ويقول مش عارف , يقول للطالب احفظها كده .. طبعا مش كل المدرسين بنفس الطريقة دي .. فيه مدرسيين محترمين فاهمين المادة وبيدرسوها صح ..

هدفنا هنا في المدونة هو تبسيط الكيميا وشرح مواضيعها باسلوب سهل وبسيط يفهمه الجميع من غير المتخصصين بسهوله .. وانا بركز علي غير المتخصصين والطلبة لان المتخصصين في الكيميا مش محتاجين شرح ليها بنفس درجة الشخص اللي ما يعرفش حاجة عنها .. لعلي وعسي يخرج منهم ذات يوم زويل جديد يرفع رأس العرب في المحافل الدولي..

وفي الختام رأيي الخاص انه لن تنهض اي دولة عربية دون بغير دراسة العلوم الحديثة .. وان كليات العلوم هي قاطرة الدول الي المستقبل .. وانها ايضا لن تنهض حتي تكون العلوم بشكل عام يستطيع الشخص العادي غير المتخصص  فهمها بدرجة ما  وان تكون جزء من ثقافته .. ولنتذكر ان كثير من العلماء المشهورين لم يدرسوا دراسة اكاديمية للعلوم بل درسوها باجتهاداتهم الخاصة مثل اسحاق نيوتن وتوماس اديسون وغيرهم ..

منشورة في: أساسيات الكيمياء